De Spëtzesteiersaz ass vun 38% op 39% geklommen. Wien an der Steierklass 1 ass an iwwer 41.793 Euro am Joer verdéngt, gëtt an dësem Saz besteiert. Bestued Employéeën ginn ab 2011 mat engem Akommes vu mindestens 83.586 Euro mam Spëtzesteiersaz besteiert.
Lëtzebuerg féiert – fir 2011 an 2012 – eng Krisesteier an. 0,8% muss all Persoun, déi zu Lëtzebuerg eng Pai kritt, vu sengem Akommes dofir ofginn.
Dobäi kënnt datt d'Solidaritéitssteier fir Privathaushälter vun 2,5% op 4% an d'Luucht geet wann d'Joresakommes bei 150.000 (Steierklass 1) oder 300.000 Euro (Steierklass 2) ass. Läit den Akommes doriwwer, si 6% Solidaritéitssteier fälleg.
D'Bäitreeg fir d'Gesondheetskeess ginn ëm 0,2% erop. D'Erhéijung geet fir Entreprisen a Versécherter gläich erop (0,1%).
Mir hunn de Gehaltsrechner un di nei Zuelen ugepasst. Interessant ass dobäi de 'vorher – nachher' Vergläich, deen e genauen Opschloss doriwwer gëtt, ëm wéi vill sech de monatlechen Nettoloun ännert.
Envoyer cet article par emailAuthors: news352