Zeene wéi aus Amerika
De gesichten Auto konnt doropshin duerch eng weider Policepatrull op der Héicht vun der Gare erëmfonnt ginn. Beim LTAM zu Rodange konnt d'Patrull d'Panzvollistin anhuelen, ma si ass trotz bloe Luuchten a Siren net stoe bliwwen an ass weider a Richtung Rondpoint PED/Lamadelaine gefuer.
Endlech ass et de Beamten awer gelongen, den Auto am Rondpoint ze stoppen, andeems si sech virun de Hyundai gestallt hunn. D'Automobilistin wollt net opginn an huet kuerzerhand de Réckgang ageluegt. Der Police ass et awer nach gelongen d'Dier vum Auto opzerappen an d'Fra aus dem Auto ze zéien.
Et huet sech erausgestallt, dass d'Fra därmoossen voll war, dass si nach net emol am Stand war selbstänneg stoen ze bleiwen. Un hirem Gefier sinn dann och nach eng Heede Wull Beschiedegunge festgestallt ginn, sou dass d'Police dovun ausgeet, dass si op an der Géigend vu Rodange e puer aner Gefierer ze pake krut a Fahrerflucht begaang huet. En duerchgefouerten Alkoholtest, no direkt e puer Versich, war wéi erwaart positiv an huet en extrem héije Wäert ugewisen.
Net genuch, et ass och nach festgestallt ginn, dass d'Gefier net uerdnungsgemäss ugemellt war an dowéinst och direkt, op Unuerdnung vum Parquet générale, beschlagnahmt ginn ass. Der Fra ass de Führerschäin ofgeholl ginn an hier dréit elo och nach eng Strof wéinst Beamtebeleidegung op ënneschtem Niveau. Envoyer cet article par email
Authors: news352