132,6 Milliounen Euro ginn agespuert
Den Defizit bei der CNS, deen den Ament bei 33 Milliounen Euro läit, ass zwar wuel schonn ëm d'Halschent erofgaang an de vergaangene Méint, ma trotzdem ännert sech näischt un de katastrofale Prognosen. Am Joer 2014 kéint den Defizit nämlech 206 Milliounen Euro Defizit erreechen. Donieft kann d'CNS et sech net méi erlaben, weiderhin 6 Prozent vu sengem Budget fir Dépensen ofzeginn an dobäi nëmmen 2 Prozent Recetten anzehuelen.
An deem Kontext bleift et net ze vermeiden, d'Cotisatiounen ëm 0,4 Prozent ze erhéijen, sief dat fir de normalen Assuréierte, fir den Employeur, d'Pensionären oder och de Staat. Eng Moossnam, déi et der CNS erlaabt sech iwwer Waasser ze halen. Doduerch sollen 132,6 Euro an d'Keesen vun der CNS fléissen, dovun 34,5 Milliounen duerch d'Assuréiert, 34,5 Milliounen duerch d'Employeuren, 48 Milliounen duerch de Staat an 14,6 Milliounen duerch d'Pensiounen. Envoyer cet article par email
Authors: news352