Eng Equipe vun Experten gouf erageruff, dorënner och de Georges Burgess, Leader vun der Organisatioun 'International Shark Attack File'. 'Esou Virfäll kommen immens selten fir a si mat engem Ereegnis associéiert, deen d'Haien op dës Plaz gedriwwen huet', betount de Burgess, 'Do ass iergendeppes gewiescht, wat d'Gläichgewiicht verännert huet'.
Eng illegal Ernährung kéint de Grond fir d'Attacke sinn. 'Mir mengen, datt eng Persoun d'Haien regelméisseg mat Fleesch gefiddert huet. A wou déi Persoun domadder opgehalen huet, hunn d'Haien no aneren Ernährungsquelle gesicht', sot de Mohammed Salem, Direkter vun der 'South Sinai Conservation' zu AFP.
De Salem huet gesot, datt d'Attacken op enger Küste-Streck vun 8 Kilometer geschitt sinn, dorënner déi beléiften Naama Bucht. Et kéint sinn, datt d'Haien gewinnt waren, an der Mëttesstonn gefiddert ze ginn, d'Zäit vun den Attacken.
No de Virfäll vum 30. November an 1. Dezember hate staatlech Konservatiounsexperten zwee Haien gefaangen. Dorënner ass e Mako, dee fir op mannst engem vun den Attacken responsabel ass, sou d'Resultat vun enger Analyse vum Gebëss a vun de Bësswonnen.
Envoyer cet article par emailAuthors: news352