Den éischte Lieu de Crime ass d'Wunneng vum Ex-Partner an engem Haus am Lörrach Zentrum, wou et och zu enger hefteger Explosioun komm war. D'Fra hat e Brandbeschleuneger benotzt, fir d'Feier auszeléisen. Am Haus hunn de Mann a d'Kand gelieft. Op hirer uschléissender Flucht an d'Elisabethen-Spidol huet d'Amokleeferin spéider den Infirmier ëmbruecht, huet duerch Schëss virum Gebai zwee Foussgänger, sou wéi am Spidol e Policebeamten blesséiert. Liewensgefor huet am der Nuecht bei kengem vun de Blesséierte bestan.
Am Gank vum Spidol ass d'Fra zum Schluss vun der Police erschoss ginn. “Duerch dat séiert Agräife vun der Police konnt Schlëmmeres verhënnert ginn, sou de baden-württembergeschen Policechef Wolf Hammann. Zum Zäitpunkt vun der Explosioun bis zum leschte Schoss wiere nach net emol 40 Minutte vergaang.
Aus dem brennenden Haus vun den éischten Affer hunn d'Pompjeeë sechs Erwuessener an ee Kand misse retten. Insgesamt 15 Bewunner hu mat enger Dampvergëftung missen an d'Spidol ageliwwert ginn. Am ganze ware ronn 300 Polizisten a Rettungsleit aus ganz Südbaden am Asaz.
Envoyer cet article par email
Authors: news352