> Valeur vu Facebook klëmmt op 50 Milliarden Dollar
Mardi, 01 Mars 2011 00:00

Valeur vu Facebook klëmmt op 50 Milliarden Dollar

Der New York Times no hunn Goldman Sachs 450 Milliounen Dollar an di russesch Grupp Digital Sky Technologies 50 Milliounen Dollar a Facebook investéiert. Insgesamt mécht dat en Investissement vu 500 Milliounen Dollar (374 Milliounen Euro). Doduerch ass Facebook elo méi wäert wéi Internet- a Mediegiganten Ebay, Yahoo oder Time Warner.

D'NYT bericht, datt 1,5 Milliarden Dollar vu Goldman nach dozou komme wäerten. D'Investissement a Facebook versetzt ee vun

deene prestigiéisten Investmentbanke an der Wall Street an eng immens gutt Positioun ee méigleche Börsegang vum sozialen Internet-Reseau ze betreien. Bis elo huet de Facebook-Grënner Mark Zuckerberg e Börsegang evitéiert. Dëst wier awer eng Méiglechkeet fir 2012.

Facebook-Aktien ginn den Ament op dem sougenannten zweete Maart gehandelt. Dem Internetplattform SharesPost no huet sech de Wäert vu Facebook am leschte Joer op 42,4 Milliarden Dollar verdräifacht. Deemno hunn Investisseuren mat Facebook-Aktien esouguer zu engem Präis, deen d'Entreprise mat 56 Milliarden Dollar bewäert huet, gehandelt. De Numm vu Goldman Sachs als Investisseur géif esou Bewäertunge Glafwierdegkeet ginn, sou d'NYT.

D'Valoriséierung kéint de Facebook-Grënner Mark Zuckerberg, deen iwwregens zum 'Time' Persoun vum Joer 2010 gekréint gouf, zweemol esou räich maachen wéi elo. D'Zeitung Forbes huet säin aktuelle Verméigen op 6,9 Milliarden Dollar geschätzt.

Envoyer cet article par email

Authors: news352

klickt hei fir mei ze wëssen

Last modified on Mardi, 30 Novembre 1999 01:00
Read 10616 times Like this? Tweet it to your followers!
Published in Informations Luxembourg et Grande Région
Social sharing
back to top