> Rosa Schnéi zu Stockholm féiert zu Gesondheetspanik
Jeudi, 01 Janvier 1970 02:00

Rosa Schnéi zu Stockholm féiert zu Gesondheetspanik

De schwedeschen Ëmweltministere huet d'Bewunner vun de Staddeeler Södermalm, Kungsholmen a Stora Essingen viru Beréierung mat Schnéi, dee rosa gefierft ass, gewarnt.

Ursprénglech hunn d'Autoritéite gemengt, et kéint sech beim rosae Schnéi ëm gëfteg Chemikalien, oder esouguer Rategëft, handelen. D'Sanitärdéngschter sinn am gaangen de rosae Schnéi ewechzeraumen.

No der Verbreedung vun der Warnung iwwer d'Medien, huet sech de Club 'Hash House Harriers' fir Schilaangleefer bei der Stockholmer Stadsverwaltung gemellt.

Si hätten d'Begrenzunge fir eng Loipe mat Polver, dee rosa ass, ausgeluecht. Do hätt sech de Polver mam Schnéi vermëscht a gouf vum Wand opgewirbelt. Doropshin wier en als rosaen Nidderschlag zu Stockholm erofkomm.

D'Faarw besteet aus enger Mëschung vu Waasserfaarwen a vun Tënt fir Printer-Cartouchen. Obwuel d'Substanz net geféierlech ass, sinn d'Leit gerode ginn, de Schnéi net z'iessen oder ze schmaachen.

 

Envoyer cet article par email

Authors: news352

klickt hei fir mei ze wëssen

Last modified on Mardi, 30 Novembre 1999 01:00
Read 12091 times Like this? Tweet it to your followers!
Published in Informations Luxembourg et Grande Région
Social sharing
back to top