De Chauffer vum Cayenne war sech duerchaus iwwert d'Schnellegkeet vu sengem Gefier bewosst an huet ouni Récksiicht iwwert d'Géigespur iwwerholl. Dobäi huet hien net nëmme sech, ma och sämtlech aner Verkéiersmemberen immens a Gefor gesat. Iwwerdeems ass d'Policezentral iwwert d'Poursuite informéiert ginn an déi franséisch Autoritéite sinn a Kenntnis gesat ginn iwwert de Virfall.
De Porsche huet seng Flucht a Richtung Frankräich fortgesat. Déi franséisch Police huet de Fluchtauto dann och kuerz Zäit méi spéit an engem Rondpoint an der Géigend vu Longlaville erëmfonnt. Vum Täter huet do awer scho sämtlech Spuer gefeelt, hie war ze Fouss weidergeflücht.
D'Ermëttlungen hu spéider erginn, dass den Täter héchstwahrscheinlech fir ze tanken op Lëtzebuerg zeréckkomm. Dëst war och de Grond, fir wat hien de geklaute Porsche Cayenne huet missen am Stach loossen. Den Tank war eidel.
De Fall wäert vun der lëtzebuergescher, sou wéi der franséischer Police weider ënnersicht ginn. Am Asaz war de Centre d'Intervention vun Déifferdeng. Envoyer cet article par email
Authors: news352