vun haut.

Internetbenotzer sollen en “Droit à l'oubli“ hunn, wou se Informatiounen, déi net méi ze gebrauche sinn, effacéiere kënnen, wat den Ament awer nach net méiglech ass. Informatiounen, déi volontaire oder net volontaire op den Internet gesat goufen, sinn heiansdo joerelaange erëmzefannen.

Di nei Regelen sinn haaptsächlech fir online Zerwisser, wéi Facebook, utile, wou Benotzer oft hiert ganzt Liewen online setzen, mä d'Konsequenzen net kontrolléiere kënnen. Esou sollen och zukünfteg Problemer mat Projeten wéi Google Streetview evitéiert ginn.

D'EU Kommissioun wëll och Sécherheetsmoossnamen an d'Conservatioun vun Donnéeën am Domaine vun der Police an der Justiz reviséieren.

D'Ideeën ginn enger Consultatioun publique bis Mëtt Januar ënnerstallt. Déi gesetzlech Propositiounen wäerten dann nächst Joer am EU Parlament agereecht ginn.

D'Protektioun vum Privatliewen ass fir Europäer en immens sensibele Sujet. Säit Joren gëtt mat den USA, déi am Kampf géint den Terrorismus vill Donnéeën mat Hëllef vun Internetgigante wéi Google oder Yahoo gesammelt hunn, negociéiert. Et gëtt eng besser Kontroll iwwer Donnéeën an eng Reductioun vun der Periode vum Stockage vu verschiddenen Informatioune gefrot. Envoyer cet article par email

Authors: news352

klickt hei fir mei ze wëssen