Ee 46-järege Wënzer aus Nidderdonven huet sech um Donneschdegmëtten mat sengem Trakter um Hiddebierg bei Machtum iwwerschloen.

Wéi d'Police matgedeelt huet, ass den Trakterfuerer op engem veräiste Wee an d'Rutsche komm an ass mam Trakter op eng Kant gestouss. Dobäi huet sech den Trakter méimols iwwerschloen. De Chauffer gouf dobäi aus dem Vehikel geschleidert a schliisslech dovunner iwwerrullt. De 46-järege Mann ass un den déidleche Blessure gestuerwen.