Den Assange, deen den Ament zu London inhaftéiert ass, huet a senger Matdeelung erklärt, hie géif u sengen Iwwerzeegungen an Ideale festhalen. 'D'Entwécklungen hu meng Determinatioun gestäerkt an hu mir gewisen, datt meng Iwwerzeegunge richteg sinn', sot den 39-järegen Australier.

Seng Mamm, d'Christine Assange, ass op London gereest, fir hirem Jong Ënnerstëtzung ze leeschten. 'Als Mamm fuerderen ech d'Welt op, mäi couragéierte Jong z'ënnerstëtzen', sot si zum Sender Channel 7.

Den Julian Assange sëtzt säit enger Woch an Haft a muss um Dënschdeg fir d'Zweet viru Geriicht erschéngen. Seng Affekote wëllen säi Fräiloossen op Kautioun erreechen. Schweden fuerdert d'Extraditioun vum Australier, dee wéinst Sexualverbriechen beschëllegt gëtt. Den Assange huet d'Virwërf awer staark ofgestridden.

Authors: news352

klickt hei fir mei ze wëssen