Am drëtten Auto souz eng Famill. De Papp, dee gefuer ass, ass op der Plaz gestuerwen. D'Mamm, d'Bäifuererin, ass spéider am Spidol un hire schwéiere Blessuren ëm d'Liewe komm. Hire 10-järege Jong, deen hanne souz, huet den Ongléck ouni Blessuren iwwerlieft.

D'A6 op der Héischt vu Stengefort a Richtung Belsch war wéinst dem Accident an der Nuecht gespaart ginn. D'Streck ass eréischt viru kuerzem erëm opgaangen. Et stinn allerdéngs lauter Camionen op der A6 an der Pannespuer well d'Zirkulatioun den Ament fir si an der Belsch zou ass.

De Glatäis huet och zu villen aneren Accidenter geféiert. Den Angaben no sinn dorënner etlech Autoen op den Autobunnen vun der Spuer erofkomm an an d'Leitplanke gerannt. De Moien ass et um Findel zu enger Kollisioun tëscht engem Auto an engem Bus komm.

Also, oppassen! Oder einfach doheem bleiwen.

Authors: news352

klickt hei fir mei ze wëssen