D'Zukunft vun der Struktur, déi vum Architekt François Valentiny fir d'Welt-Expo zu Shanghai kreéiert gouf, war eng Zäit laang onsécher.

Allerdéngs sinn elo véier Firmaen un de Pavillon staark interesséiert. Dem Groupe d'intérêt économique (GIE) no sinn zwee vun de véier Entreprisen a China baséiert.

De Grupp, deen den Ament fir d'Struktur responsabel ass, huet méi Zäit kritt, fir eng Decisioun ze huelen. D'Resultat gëtt Mëtt Dezember annoncéiert.