D'Aktioun soll d'Tensiounen am west-afrikanesche Land berouegen, nodeems d'Autoritéiten onsécher waren, wien d'Presidentewahl gewonnen huet. Den nationalen onofhängege Wahlcomité huet de fréiere Premier Alassane Ouattara als Gewënner géint President Laurent Gbagbo deklaréiert.

Mä de konstitutionelle Conseil vun der Elfenbeinküste huet gesot, datt d'Wahlen ongülteg sinn, well si no der Date Limite um Mëttwoch annoncéiert goufen.

D'Regierung huet all auslännesch Medien an der Elfenbeinküste blockéiert. 'Fir de Fridden ze behalen huet de staatleche Medien-Conseil de franséische Sender Canal Plus Horizon kommandéiert, ouni Verzögerung, all auslännesch Radio an TV Senderen ze suspendéieren', sou ee Spriecher vum staatleche Medien-Conseil.

Et sinn op mannst 8 Persounen an der Gewalt, déi no de Walen ausgebrach ass, ëm d'Liewe komm. Een Arméisspriecher huet gesot, datt Zaldoten attackéiert goufen. Verschidden Zeien soen datt si vun de staatleche Sécherheetskräfter attackéiert goufen. Aner beriichten e Schosswiessel tëscht Sécherheetskräfter vum Ouattara senger Säit an anere Sécherheetskräfter.

Authors: news352

klickt hei fir mei ze wëssen