Eng 1.500 Demonstranten hu sech virum Parlament um Méindegowend versammelt fir dogéint ze protestéieren. Et gëtt virun allem gefaart, datt d'Pressefräiheet schwéier dorunner leide wäert.

Dat neit Pressegesetz kreéiert eng nei staatlech Medien-Autoritéit an deem all d'Memberen aus der Fidesz-Partei stamen. E géif de Presse-Inhalt reguléieren a Geldstrofen imposéieren wann d'Regelen net respektéiert ginn a wann d'Material net 'politesch ausgeglach' ass. D'Gesetz gëtt um 1. Januar 2011 ageféiert.

D'Geldstrofen kënne bis zu 25 Milliounen Forint (90.500 EUR) fir Presse an Internet sinn, an 200 Milliounen (725.000 EUR) fir Radio an Televisioun. Déi nei Autoritéit géif och d'Recht hunn, Medienequipementer an Dokumenter z'ënnersichen. Si kënnen och Journalisten zwéngen, hir Sourcen am Bezuch zu Froen, déi sech op di ëffentlech Sécherheet awierken, opzeginn.

Schaarf Kritik ass vun den ungareschen Zeitunge komm. Verschiddener hunn als Protest hir Publikatioune mat eidelen Titelsäiten erausginn. D'Gesetz gëtt och vum Internationale Presseinstitut a vun der Organisatioun fir Sécherheet a Cooperatioun an Europa kritiséiert. D'Zeitunge géife sech selwer zenséiere musse fir déi héich Geldstrofen ze vermeiden.

Authors: news352

klickt hei fir mei ze wëssen